sachin

apni kahani
Ad 2:
Try a new drinks recipe site
2016-11-16 12:18:58 (UTC)

khwahishen

Khwahishen hazaron hai in aankhon mein,
Manzilein lakhon hai in rahon mein,
Par har woh dagar apni bane jaruri to nahin
Har umeed, har khwahish puri ho jaruri to nahi.
Manzilon ka kya hai, har taraf bichi padi hain,
Ye to khud pe yakin ho ki pa lenge unhe,
Kosish nahin himmat karle had se jyada khud pe bharosha chahiye,
Har muskilon ko paar karle aisa dilon mein hosnla chahiye,
Fir bhi kya pata kab kis mod pe
ek aisa manzar aa jaye jo ye sikha jaye
Ki har woh manzil jo apke samne hai use paya jaye jaruri to nahin.
Har umeed, har khwahish puri ho jaruri to nahi.
Rahon mein kayi muskilen hain, raho mein kayi faslein hain,
Kuch idhar kuch udhar har taraf uljhe se pade hain,
Par fir bhi dil mein tamanna hai, dil mein yakeen hain,
Chal padi, nikal padi, khud pe yakin aur khud pe bharosa kar ke,
Par fir kahin kisi mod pe ek anjazana sa woh ehsaas
Ye bata gaya ye sikha gaya,
ki har yakin hakikat mein badle jaruri to nahin
Har umeed, har khwahish puri ho jaruri to nahi.
Sapne maine bhi dekhe hain, sapne dekhna chahti hun,
Sapno mein khud ko jina aur khud mein sapno ko jina chahti hun,
Par kya karun kisse kahun ki woh sapne,
jo kisike saath dekhein hain unhe aklea nahin jiya jaata,
Badhaya hai jo haath maine unhein thamne wala ek haath chahiye,
Unhe pura karne ke liye unhe jine ke liye, ek saathi ka saath chahiye,
Par jab woh na mila jab woh na dikha
to fir ye dil ko samjhaya,
Ki………………………………….jaruri to nahin.
Har woh khwab jise dekhe hai who pura ho jaruri to nahin.
Na pure ho sake woh armaan,
Na puri ho saki woh khwahishein,
Jin armanon mein khud ko piroya tha,
Jin khawahison se khud ko bhigoya tha,
Aaj un ke bina un se alag ho gayi hu,
bhid mein bhi tanha reh gayi hun
Fir bhi chehre pe wohi muskaan hai, chahe hi dil bhale hi ro rahi hu,
Kyunki apne aansuon apni taklifon ko jahan ko dikhaya jaye jaruri to nahin,
Har umeed, har khwahish puri ho jaruri to nahi.
Par fir bhi dil mein kahin ye yakin hain kahin ye viswas hai,
Ki zindagi imtehaan le rahi hai,
khud ko samajhne ka mauka de rahi hai,
Samajh rahi hun, samajh gayi hun,aur age bhi samajh lungi khud ko,
Bhale hi ye khwahishein puri na ho, na sahi.
Bhale hi ye sapne adhure rahe to ye hi sahi.
In ke sahare jeete aayi hun, in ke sahare hi ji lungi,
Aur jis din alvida kehne ke samay ayega,
in khabon in manzilon se ek baar guftgu karungi
Aur ye kahungi ki….
Mana ki har woh khwab jo dekha tha woh pura na ho saka,
Har woh manzil jis ke liye badhee thi apni na ho saki,
To kya hua,
Khwabon ko ji li, manzilon ko chum li,
Kyunki aaj ye mahaz khwab hai,
Par hamesha khwab hi rahein jaruri to nahin.
Dekh lo inhein, ji lo inmein,
Kyunki har khwahish puri na ho, yeh bhi koi jaruri nahin


Ad:0