a freedOne

heavenishere
2006-05-29 06:19:33 (UTC)

親子活動

你而家....?What are you doing?

我而家..右手姆指、食指和中指都有黑色的很難清除的顏料...因為今
朝,俾爸爸鏟左起身......染髮

喉嚨痕+痛,不過冇之前咁唔舒服了...因為....都差唔多日子好返
(媽咪話)

心情黯淡,不過冇之前咁唔舒服了...因為..都差唔多日子好返 ((:

手臂酸痛,因為尋晚出盡狗牛2虎之力...紥糉..肉緊到好似同隻糭嚮度
搏鬥咁...質佢落自己的肚皮上面縛....好似殺人咁。...因為紥得
實先好味

諗緊d咩野?諗起尋晚包糉....好好笑。..包之前哥哥問d肥肥地豬肉
落左五香粉未...。媽咪話冇五香粉,落左咖哩粉(我媽咪不嬲都係咁,超
大而化之,嚮佢0既字典裏面,冇咩野叫做「唔合理」。平時我地成日都會食
到充滿蛋花的羅宋湯,同埋有粒粒檸檬的白湯)
不過咖哩粉當五香粉真係超狗唔搭8...笑到我肚都攣
哥哥仲要話:點可以咁求祈嫁?一塊豬肉係糉的靈魂!
真係笑到我痙攣
..
最好笑係哥哥第一次包...開頭勁拿手唔成勢,一隻糉nin左成半個鐘頭
(我都差唔多..不過我依d叫做認真,佢0個d叫做拿手唔成勢)..ni
n到d紅綠豆發芽,差d有小樹苗......
我地仲要一路同隻糉搏鬥,一路嚮度怪叫..哥哥為求紥得實,出力到縛咸水
草有吱吱聲...好誇張
佢亂咁來的,落超多姚柱,勁多冬菇,跟住太多料喇,爆晒出黎

包一次糉,消耗左我勁多卡路里
....大部分係因為笑笑笑笑笑笑




Ad: