jeff

尤加利日記
2006-04-11 14:58:49 (UTC)

軟弱

總算放低左件事,有種鬆口氣o既感覺。
眨下眼,住hall o既生活已經尾聲。再一次俾人問點解一直冇厘精神。唔
知,住左hall就開始咁。但係,選擇左住hall就唔好後悔,我相信無
論結果係好係壞,都係一個經歷。摺? 一直只會用呢個字去形容一個唔li
ke o既人,從冇諗過呢個字會用o係自己身上。yr3,對中醫o既責任
感,令自己覺得應該花更多o既時間o係中醫上面。當心思全部放o係中醫o
既書、中醫o既notes、中醫o既試,周遭o既人同埋事,好似都失去左
顏色,對一切都好似冇左熱心。自問唔係一個好識分配時間o既人,要我又玩
又讀真係唔得,特別係對住中醫呢科。越黎越覺得將自己困左o係自己o既中
醫世界入面,可笑o既係,時間係花左,但係,入到腦o既就唔多。熱情、思
維、口才、精神、時間...我將呢一切放左俾中醫你,放左o係我自認為o
既穩重成熟當中,究竟我得到左d乜?對住人地,我可以好深刻咁將佢剖析
但,我又對自己有幾多認識?經常問自己呢d問題,覺得自己有d自閉。我老
得太快喇,外表要堅強,但係自己知道自信已經動搖。呢d就叫軟弱。主會聆
聽我o既軟弱嘛?
肯定要忍痛離開呢個用左兩年o既diary,太多亂碼喇,完全睇唔到co
mment。目標係xanga,籌備中。




Ad: