a freedOne

heavenishere
Ad 2:
2005-11-18 20:37:51 (UTC)

出嫁

嚮依件事上面,
究竟我媽咪係忠定奸嫁?
我家姐係忠定奸嫁?
今日家姐同新哥返黎食飯,順便同爸爸媽咪傾下結婚既事。
家姐臨走0個時,在我耳畔輕輕說:記得同我收下風。
食飯0個時明明一團和氣,喜氣洋洋,家姐同新哥一走,爸爸同媽咪即刻講盡
了最難聽的說話。
對外人都唔會咁講啦,點解佢地會咁樣對自己個女嫁?
「媽咪,你放心喎,第日我嫁,一定會早早俾禮金,俾足六萬八。」後來我忍
不住,冷冷的拋下了一句。
媽咪即刻變了面,溫和的說:妳最緊要身體健康。
平心而論,爸爸媽咪在行為上真係錫我多d,不過我知道他們不是不愛姐姐哥
哥的。
爸爸對個個都係彈到一棟都冇嫁啦,其實口不對心,欣慰的東西放在心上,不
說出口。我想,爸爸一定是在極度刻薄的環境下成長的。
媽咪緊張錢,想有個保障,都好平常丫。
不過一提到嫁娶,真係令人齒冷。
唔通真係「嫁出去既女如同潑出去既水」?
好話唔好聽,我都預左佢地有朝一日會咁對我。這跟他們愛不愛我沒有關係
的。我明白的。
後來我sms左姐姐,同佢講「媽咪有少少唔高興」,唔係點呀,唔通照直同佢
講咩。

還是,姐姐真是做過一些很壞很壞事,我不知道?你要知道,我跟她好,都是
入院以後的事。我甚至想過或者她真是如爸爸媽咪所說的工於心計,利用了單
純的妹妹...
唉,我真係好癲呀。
總之,我都係會繼續做姐姐條「針」。
我的心裏偏向姐姐是忠的。


Ad:0
Try a free new dating site? Short sugar dating