~_~LillY

something I want to say~~| |
2005-06-25 15:03:35 (UTC)

Jun 25th 22.30pm

從前,有一顆樹,樹上有隻雀仔..隻雀仔同樹一齊相依為命咁生活左好
耐..大傢都已經習慣左大傢嘅存在,但點知....有一日,隻雀仔突然死左,樹好
傷心,好傷心..因為現在就祗係凈低佢一個..無依無靠...
過左一年後,樹發覺自己喺呢一年裏面長大左好多,佢好唔明白,因為佢已
經好多年都無長高過..佢唸左好耐,望見自己腳下嘅一堆嘢..漸漸佢知道,係
雀仔死左之後,屍體落喺佢腳下,化成養分..滋潤左佢一直幹枯嘅身體,所以,
佢現在可以長得更高,望得更遠,佢可以望到外面好靚好靚嘅世界,咁佢就唔會
再咁寂寞啦...
好多嘢,有得就一定有失,我今日個腦都一直重復住佢尋日講嘅嗰幾句
話,"我同佢一齊好舒服,好開心,我地對大傢都好坦白,佢無嘢呃我,我無嘢瞞
住佢.."係嘅,我的確有好多嘢都呃過佢,佢亦都有好多嘢瞞住我..我地咁樣,
我一直都唔發覺,原來,佢尋日點醒左我,佢話俾我知,佢同我一齊,真係一種折
磨,雖然我一直都以為我自己好倖福..會唔會...佢真正需要嘅唔係我,而係
佢,一個我連名同樣都唔知嘅女人..一個佢識左3年嘅女人,...
老公,你同我一齊係咪真係咁辛苦呢?你係咪已經唔愛我..你係咪等緊我開
口同你講分手吖?我知道你一嚮都係一個有原則嘅人,我知道你唔忍心傷害
我..由你今日打電話俾我嘅語氣我就知道,你好唔想同我講嘢,但你擔心我,怕
我會有咩事,所以,你逼不得意都要打俾我..老公...我好清楚我自己根本接受
唔到無左你嘅痛苦,但如果強迫要你畱喺我身邊,我相信你一定會痛苦過我十
倍,甚至一百倍...我愛你,祗要你開心,你真係唔使理我架..老公..我好掛住
你..你仲會唔會掛住我架..?祗係唸下都好吖...




Ad: