~_~LillY

something I want to say~~| |
Ad 2:
Digital Ocean
Providing developers and businesses with a reliable, easy-to-use cloud computing platform of virtual servers (Droplets), object storage ( Spaces), and more.
2005-05-13 11:53:49 (UTC)

佢話嘅,,,

佢話:"不如我唔番嚟啦..我等你岀嚟算啦..好悶吖!"
我問:"咁你係咪覺得同我一齊已經好悶啦.?"
佢話:"咁你覺唔覺吖?"
我話:"..........."
佢繼續話:"我突然覺得我生活得好無聊,好悶..好無意義...."
我忍住安慰佢:"唔好咁啦,你忍耐下啦..好快我就會岀嚟陪你架啦.."
佢唔岀聲......

靜左一陣之後,佢"嗯"左一聲.................
我又繼續咁忍耐,我唔知佢又發乜神經..
我深呼吸..講:"唔好咁啦...你千祈唔好唔理我吖,我都悶架..你唔好亂
唸嘢啦,我好愛你架..老公...你仲愛唔愛我吖.....?"
"愛!..我好眼訓啦,我想訓啦..."
美國時間差唔多半夜3點...
"好啦,咁你訓啦..."

之後我都唔記得係點收綫架啦,我其實無嘢嘅..佢亦都唔做錯嘅,祗係..
我地嘅問題係..7年零11日..
我一D都無變,我愛佢,越嚟越愛佢..
佢...好似以前咁愛我..無變,無進步,亦無退步.無多,亦唔無少..

或者..佢已經一早習慣我嘅唔存在,習慣西方嘅生活..
但我..依然日日都希望佢番嚟,等待,再等待,繼續等待...習慣日日訓醒
身邊嘅空洞,習慣夜番屋企嘅危險,習慣攬住張被喊,習慣同個電話拍拖,習慣
倒數,習慣感受住唯一同佢一齊擁有嘅天空,習慣將見到嘅嘢用相機拍
底.........
我有預感,我嘅習慣慢慢會離開我...因為,我可能唔再需要咁樣...
我唔想!!
但我可以點??


Ad:0
yX Media - Monetize your website traffic with us