jeff

尤加利日記
2005-03-11 17:54:19 (UTC)

那個嘔心o既馬勃

同三文治慶祝生日。
夜晚,成班人一齊湧上三文治屋企。屋企都骨致丫,仲有一個大窗門可以望到
底下足球場同籃球場,無怪乎三文治要擺定一個望遠鏡o係窗門旁邊...
唔知點解要做左主人家落左兩次樓接遲來o既同學仔上樓,第二次仲要幫病左
o既晶雞同學去藥劑鋪執藥。
執藥之後晶雞話要o係三文治度煲埋藥。當我地正討論劑藥有馬勃(即係一大
舊黑色o既棉花狀好似咩咁好嘔心o既物體)好鬼難飲o既時候,晶雞就
話”唔怕,我有嘉應子”,講完就攞起兩粒嘉應子。說時遲那時快,晶雞就
話”等我試下粒嘉應子先”。直覺地,我地就問佢”唔怕一陣你飲馬勃o既時候
會好痛苦咩”,佢就話”唔怕,我仲有一粒嘉應子!”
....well,又啱喎...
外賣左個pizza餐番黎食完就開始鍘大d。老實講鍘大d真係幾悶,仲要不停咁
鍘成晚,如果唔係晶雞o係度不停搞gap,大概我一早已經悶死左。鍘左三
個鐘,到最後feel到大家開始勉為其難地玩。好攰,有d唔想用腦。
後尾,唔知邊位變態同學提出整d懲罰振奮下士氣。大s即刻話不如食頭先晶
雞煲完d藥渣。頭先o既藥渣,最有睇頭都係馬勃啫。最終決定生啃馬勃。
幾個男仔輸流輸左,每人都生啃左一啖馬勃。酷刑,永世難忘。我o既同學係
變態o既一群。
有趣o既係Saman o係我地殺得性起o既時候打電話俾Sunny傳福音。
但係Sunny就好似聽到人地同佢sell product咁耍手擰頭。仍然
好欣賞Samano固份熱切o既心。感覺自己o固團火好似o係不知不覺間消失
得無影無蹤,靈修又已耽擱左幾日。總係冇恆心,咩都係三分鐘熱度。除左靈
修,書架上面o既書好似冇乜邊本係睇哂之後放上架的。有冇機會方劑mid
term之後清哂佢地。
期望有更好o既計劃。




Ad: