jeff

尤加利日記
2005-02-16 15:34:50 (UTC)

春茗,嘉怡生日

尋日春茗,有d odd。d餸係唔錯,但係d話劇有點兒gap得過份,投入唔到o
係當中。阿yan讀o固封情信係全場高潮一part,但係到左搵人出去扮禽獸o固
part就好似叫人出去俾人笑...場舞係好好o既一個環節,欣賞佢地做到七十
年代o既少男少女feel而唔會騎呢,tina反串可真係維肖維妙。但對我黎講,
一個沈默寡言o既晚上可唔係一個好經歷...
今日開會講會見周一嶽o既問題。原來自己自從落莊之後就頹哂,好唔願意再
諗番呢個極唔想去面對但又避無可避o既問題。開始明白點解前幾屆d人個個都
咪書唔去爭取任何野,當不停爭取之後,驀然發覺自己知識o既貧乏,係幾咁
令人洩氣。
夜晚同嘉怡預早慶祝生日。太急喇,尋日先通知今日慶祝,d人未必抽到時
間,咁啱又有幾個人病左,所以參加o既人唔多。特登提早送哂d禮物俾嘉怡,
仲預早同佢講埋"預祝你生日快樂",咁聽日佢正日生日就唔會有任何o既禮物
同埋任何人同佢講生日快樂,呢個惡作劇實在太令人興奮...
又一次去影貼紙相。竟然唔知佢有限時,慢慢影之餘仲係咁ng d相,結果最
後只係影到一張,仲要係前排成班男仔淨係影到d頭髮同個額頭。最偉大o既背
景,人造o既草坪...死死地氣俾多廿五蚊影多次,今次影係影到,但係要畫
野o既時候又慢慢畫...結果畫左兩張已經淨番三十秒,最後兩幅只可以頹加
左個背景就收工。灰,又一個慘痛經歷,影左成七十蚊,好彩有七個人夾先冇
咁傷,奢侈o既娛樂呀...
回程o既時候淨番我、仔仔、細s同埋小燕,相視無言。完全感受到咩叫朋友之
間o既距離,絕佳o既體驗,亦係一個好難受o既體驗。呢種體驗,可免則免。




Ad: