loklok228

‘ø‘ø浔VçdŽ–
2005-01-31 16:32:17 (UTC)

出發~~~ (28/1/05)

一朝早起身準備去大陸考察,係上水就約埋Nelson同Simmy一齊食早餐,之
後就join埋鵬鵬搭的士去落馬州,一個人都係9元,好過一大朝早出去油麻地
出發,係落馬州等左3個字度,學校架車就黎到,一齊再轉黃巴士過關,唔知
係唔係要減低成本呢,之前兩年都唔洗用黃巴士過關,不過都冇所謂啦。第一
站就去左華南城度睇野,不過就唔知應該要睇咩了,人都冇多隻,d位好多都
吉,有位就冇人係度,咩事呢?咁之後就去左中鐵ge火車貨櫃場度睇,又係唔
知咩黎,地就大了,不過就冇咩火車係度,有個顧問就話e度第日會發展得好
勁,因為個地理位置好wor,我地都"哦"左一聲,無奈。我地一行人之後就去
左鹽田度食飯,就順便去埋睇下人地個貨櫃碼頭,都唔錯的,話曬都係全球排
第三ma,接著我地就參觀左馬士機個貨艙,個招待我地o個人原來係香港人
黎,講左好多對返大陸工作ge野比我地聽,我都學到唔小野,好好。唔知今日
係唔係好大霧ge關係我地架車開得好慢,用左成4個幾鐘先去到我地係順德ge
飯店,坐都身都散埋。由於我地食唔飽ge關係,十二點幾就走出左去會所食
野,由於好大霧,又冇燈光,都唔知我地行左去邊,幾好玩~~~,食完之後我
地就各自返房度"覺覺豬"了。




Ad: