mingmoy

痞子明
2004-11-16 11:47:49 (UTC)

見工

今日好旺,朝早,下午各有interview的機會。

朝早,公司係粉嶺的安樂村,其實都唔知點解明明係工業區,又叫什麼村?
間公司係做電路版(PCB),headoffice係美國。路痴(愛看地圖,又喜歡走訪
每一個地方的人)的我,很快就找到目標的建築物。去的時候,心情很複雜,一
是份工係temp job(until april,2005),但係又唔知點解,知道佢一定別有
用意,因為份temp job求職的requirment要求多多,二是PCB的關係,始終沒
有強烈的興趣。(不過我都勉強meet到既)。

見這份工大約用左3小時,其中兩小時都係「等」同埋「坐係到等」。首先是見
人事部果位miss姐姐,佢對我印象不大好,反覆地用不同的角度問我,之前份工
幾好,點解唔做,故然我是有備而來啦。可惜,佢都好唔滿意我的答案噤。足足
等超過一個多小時後,進入第二次interview,明顯地,已經比人起了底了。不
過幸好,我的心情已經沒有任何膽怯,可能因為等得太久了。感恩,是那些「煲
冬瓜」沒有太大問題。 經過他們一輪的解釋後,對這個行業,多了一點的理
解,而且自己之前的temp job的預料沒有錯。(其實佢有意請長工。)不過自
己的意志仍未夠堅定(敗露係自己的眼神之間)。 INTERVIEW後,就不斷問自
己,其實自己想做未? 想也想不清楚,莫非又試吓份工先?


走出門口,已經發現已經1:20p.m.啦,死啦!! 2:30要去到葵涌另一間公司,
勁餓,勁攰。不過決定要去博一博,難得機會是人比又係神比。依份工,簡直係
另一個field。這間公司係做絲網印刷我技術,t-shirt,CD,請technician
去開發新的market。其實textile/garment比我的印象係夕陽行業,發展機
會不大。不過見完工,又有唔同的觀感,所謂「行行出狀元」,始終人靠衣裝,
佢一定有自己的market。而且佢又話自己係英國based的公司,相信一定可以
練好喲英文。剛剛上午準備完的見工習作,下午又可以再用。第一部份完了後,
似曾相識的方法又有second interview,幸好,只是等十幾分鐘。今次係個
鬼佬,立即要轉去明珠台(極無奈!!)。佢既英文好彩比較容易入耳,雖然很久
沒有練習Oral,又感恩,大致上鬼佬都understand(明白)我的answer啦。

一天又過去,星期四見另一份工。其實見工真係學到好多新嘢,是辛苦,但為了
尋到份絕世的天賜好工,沒辦法啦。




Ad: