kayee

kayee la
2004-10-28 17:04:19 (UTC)

從前我最想找的已經遇到

今日係我地大家姐生日呀,可能係因為我地成日都一齊既原故,所以張生日卡仲
未傳到我o個度lor,咁我惟有o係哩度同ava姐講生日快樂啦,仲有呀,ava,大
個女喇,多啲照顧我地哩啲細既,知唔知道呀,同埋呢,好開心可以識到你呀,仲
可以成為好朋友tim,我覺得哩啲係緣份同感覺黎架,希望我地會friendship
forever啦!

講返我同小燕準備o個份禮物先,話說哩份禮物既誕生都幾傳奇架,首先就係我
地去左一個神秘地方度掃左一堆貨之後,買左十幾樣正野俾ava,跟住再殺去香
港十大名街o個度,掃左一條勁野,然後再去到九龍五大名街o個度掃多兩件食
得既俾佢,最後就係尋晚買埋三千八百萬就圓滿喇(wei,中左唔洗旨意走佬呀
吓!)

不過呢,送禮物既時候真係有啲美中不足lor,第一就係俾佢發現到我拎o個份
禮物,第二就係送既時候比我expect少左啲騎呢啡,人地想睇佢著底底架ma!!
不過anyway,希望ava會鍾意啦,同埋會過一個難忘既二十歲生日啦!!

***********************************************************

跟診o個個林醫師都幾好人,答問題都幾中pt,不過只係溝通上有少少問題!仲
有呀,今日先發現個脈枕好pro架(不過alice話我outdated喎!!)

***********************************************************

補完習之後就約左4S 王小虎 cc,好慘lor,唔知點解,次次見完你地之後,個
喉嚨都會沙晒同劇痛lor,不過真係好開心,雖然我次次都係俾某某人串o個個,
不過唔緊要啦,我一向都話我偉大架啦,忍辱負重係我嗜好ma!但真的希望這種
關係可以keep住!

不過....haha....真係好搞笑lor,又會剪膠剪到斷左條筋o既,想當年我手
無寸鐡,赤手空拳咁搞掂十斤膠都係咁話啦,仲日日如是tim喎,剪膠皇后哩個
名真係得來不易呀吓(諗番都想嘔!)......但是,真心祝福佢早日康復,手術

功!

今日仲發現,原來都有好多人有睇我diary架,好多謝你地呀,真係感動到流晒
眼淚呀,不過唔好介意我個diary有啲頹wor,haha.....仲有多啲留言啦,還
掂都唔公開o既,我唔爆出去既實冇人知架bor~~仲有呀,o個個網頁係我f5既
時候無聊得滯搵啲野整吓咁既啫,都話明係頹作啦,唔准笑我以前個樣呀吓(你
未食過腸咩?自己心知肚明啦吓)




Ad: