jeff

尤加利日記
2004-09-17 04:16:13 (UTC)

è­Žã‚‹ä¿£

想先回應下ivy o既message。係關於神會為我地安排一切o既問題。其實我
上個星期六返教會,正正就係討論人應該點樣將自己個時間表交托俾神,等神
為我地安排一切。我一路都有d困擾,究竟神係點樣為我地安排一切,我地又
點樣將我地o既一切交托俾神。特別o係我前排為一d決擇煩惱o既時候,呢個
問題就特別明顯。究竟我地應該係咩都唔做,咩都唔諗,由得件事順其自然咁
去,咁樣就叫將一切交俾神?後來我自己再諗下,教會o固個老大哥又提醒下,
就明白到交托o既意思應該無論對錯,先下左個決定,然後勇敢面對跟住可能
會帶黎o既種種考驗,唔好考慮結果會點,只相信神永遠都o係自己身邊,永遠
帶領我地。而縱然我地一開始o既決定可能係錯o既,但神最終一定會藉住種種
事情將我地引回正軌o既。

呢幾日時間總係唔夠用。o係網上面睇番神雕俠侶,雖然睇過兩三次,今次再
睇都係著哂魔咁,一開電腦就睇。小說,特別係武俠小說o既破壞力真係驚
人,所以依家我都唔再睇武俠小說,免得泥足深陷,不能自拔喇。
其實呢幾日發生o既野都唔少,前日先同成班同學同埋班freshmen一齊上應林
打邊爐,都玩得好開心丫,不過一來冇時間寫日記,二來我覺得雖然開心,但
係真係要想寫低o既野,好遺憾,好似冇乜...

今晚我會入camp。個camp係我社工隊識得oæ—¢fd搞o既,joint u 架喎,係
時候出去結交下朋友喇(都有成半個sem屈o係自己department冇識到人...)
個camp一入就三日兩夜,所以o係跟住落黎o既時間都寫唔到日記喇...

尤加利書於
二零零四年九月十七日
崇基學院Arch Lib 內(寫得真係辛苦)

三日兩夜joint u camp o既日記,o係我昏迷左一日之後終於面世喇。
個camp其實叫做咩文化交流營之類,不過好明顯我入camp目的係就係交流,
但絕對唔係文化o既交流lor。老實個camp都幾貴下,三百蚊先得三日兩夜,
仲要係"晚機去,早機返",計落都唔係幾化算。之不過個camp有唔少helper
同埋組爸媽我都識,而且諗住可以識到其他U oæ—¢ freshmen(我仲一早諗好
左入到去話自己今年yr1,實行玩到盡,試試做spy o既滋味,或者到時有人
為我喊亦未可知,哈哈~~),都值得博下oæ—¢...
第一晚成七點半先入camp,一入到去就俾d oc捉去玩"盲公摸路"å–‡(個名我
作oæ—¢),俾個組媽帶住係咁o係度行,上上落落又入遊樂場,好在佢份人好玩
得,為我路途上帶黎無盡o既歡樂。
第二日我都去出左海灘打水戰。個camp節目部o既人認真犀非利,真係可以成
個camp所以活動都用一個故事linkèµ·佢之餘又唔覺得突兀。連打水戰佢都可
以作到個情節俾佢,等人覺得唔係淨係打水戰咁ç°¡å–®...(當然呢d都係我打完
水戰之後先諗到架啦,打緊o既時候連阿媽係邊個都唔記得啦)。下晝有part
玩呢個戰棋,又要計用幾多馬車幾多食物幾多草料先可以到達終點,真係諗爆
頭。夜晚有個超gap o既灰姑娘fashion show。我只係"well..."左一聲,
就俾人捉左去祭旗,做左fashion show o既model,箇中辛酸,實不為外人
道...玩完呢個,夜晚就去左跳camp fire,不過因為落雨,所以入左室熄燈
玩,不過氣氛不減。
第三日,佢地整左個遊戲,搵左個人扮老人家,要我地估佢o既身份。而我地
只可以輪流去問佢一分鐘問題,而且仲要係yes no question。
整個活動其實我都覺得搞得好好,活動好豐富,d oc ,helper同埋組爸媽
都好nice,好傾得,d組員亦都好隨和同talkative,雖然最後散水o固下頹
å·¦d,但係我都覺得呢次joint u camp不枉此行。

隨日記附上後記數句,而作補充:
一.打水戰時,眾人均賣力苦戰。正酣鬥間,見到四名強壯男子聲稱要祭祀海
神,隨即抓住一名男子四肢抬進入海中央,並向遠方拋出。此四人幹此惡行仍
意猶未盡,又抓起一女子重施故技,頃刻間己有數人被拋下水。突然佢地oæ—¢
所作所為激起一個參加joint u camp o既外藉中年阿叔o既原始獸性。只見
佢以一人之力,執起一個弱質女仔尤如執垃圾一樣(呢個比喻會唔會唔係幾好
呢),然後毫不費力咁æ©«ç½®o係肩上,面不改容咁朝海中心走去...(須知此女
子雖然身材嬌小,但保守估計都有一百磅,加上佢不停掙扎,平常人應當難以
抵受如此巨力,但見此外藉男子仍步履輕盈,三兩步已到達海中心,尤自面不
紅,氣不喘,嘴角還帶著幾分獰笑,可見其輕功之高,內力之深厚,不得不令
人折服。然後見佢雙手一抬,利用日本柔道中背負投之精髓將肩上之女子投擲
而下...女子尤如撻生魚般撻入水裡,整個過程乾淨俐落,令人嘆為觀止,到
依家我仍念念不忘o固一下水花四濺o既情景...
二.fashion show。俾人逼左做灰姑娘...不過憑住我精湛演技(包括扭
pet,撥頭上o既假髮,瑪麗蓮夢露式o既飛吻,同埋最後一招,露bra),謀殺
左不少菲林,亦順利贏左是次比賽o既最佳男主角...(聽講網上面有o固d相,
睇番真係嘔心到...但願快d毀滅左佢,唔好遺害人間,誘惑萬千少男阿伯,
阿彌陀佛,善哉善哉...
三.夜晚campfire,個mc真係gap到爆,講稿口滯滯成日甩嘴不特止,仲要作
左個超gap o既灰姑娘故事,要o固個攞左最佳女主角o既灰姑娘去做喎。個故
事係咁o既,開頭就係話灰姑娘遇到王子,俾王子輕薄左一輪,後來王子要去
叫雞(佢真係咁講@@)就走左喇。後黎唔知點樣走左個william hung出黎,話
要跳下she bang黎助下興,個mc就走左出黎fing手fing腳(話時話,我覺得
佢一舉手一投足真係幾似孔生...)最後仲走埋個成吉思汗出黎,要我地跳
舞去驅走佢咁話...@@點知最後都係驅唔走隻野,成吉思汗唔知點樣就捉住左
灰姑娘,仲強姦左佢...@@""",最後仲講左句"灰姑娘真係灰喇,你地係咪覺
得個故事好灰呢"... .... ...@@""""大滴汗。
聽講呢個mc o係完左之後俾人捉左去醒,事關個故事原來佢寫的...我都登佢
慘,畢竟佢可能經驗淺,想借今次機會表現自己,點知適得其反,可惜...希
望佢經一事,長一智,好似我咁啦...
å››.最後估阿伯身份o固part,我地問左佢一大堆問題,但係乜都get唔到。原
本個答案係阿伯原來係來自未來,想返番五十年前重溫昔日玩呢個camp oæ—¢
美夢,點知就送左自己返一百年前,仲失埋憶,乜野camp o既回憶都唔記得
哂。佢地想藉住呢個遊戲,叫我地唔好唔記得呢個camp帶俾我地o既點滴回
憶,哪怕係最少o既,都要好好珍惜。點知我地就會錯意,寫左個老人家係鍊
金術師(事關我地組名係鍊金術師),五十年前想入西貢掘金,點知俾班
joint u camp o既人扑暈左,仲搶哂佢d金。佢嚇到失左憶,個campsite又
變左個黑森林,所以從此佢å°±o係個campsite度遊蕩喇...直至俾我地發現左
為止...結果我地攞左最有創意獎...
五.to joint u camp oæ—¢ emily:如果你係見到呢個diary,咁非常好。我
想講o既就係,我記得你叫emily丫嘛,係bu o既英文系架嘛,係yr1架嘛,
放心啦,我記性好好的...

回憶完...




Ad: