jeff

尤加利日記
2004-08-29 15:45:03 (UTC)

西藏七年

to 阿女tina: 我份工?係做街頭問卷o既,關於一d減肥o既問題的。

尋日睇左套戲"西藏七年",真係越發鍾意呢塊獨處一方的美麗土地。
套戲改編自真人真事,係話二戰時有個奧地利o既爬山專家亨利,本來想征服
珠穆朗瑪峰,但係因為機緣巧合之下,闖入左當時仲係自成一國、禁止外國人
進入o既西藏。o係呢個俾世界最高山脈環抱o既土地裡面,亨利結識到只有十
來歲,對事事充滿好奇o既達賴喇嘛,同佢一齊度過左七年純樸o既西藏生活,
改變左舊日自私o既性格,並且經歷左西藏史無前例o既政治巨變---共軍入
侵。最後西藏投降,政權易轉,達賴出走,亨利亦返回故土。故事最後交代亨
利同達賴之後一直都有保持密切關係,並以亨利o係山峰上插上小小的西藏旗
作結(故事題材都幾敏感,不過這不關我事...)
其實我想講o既唔係套戲講乜,而係套戲駛到我更加想去西藏。想去西藏有幾
個原因架。第一係o固度風景夠靚,一望無際o既草原,好多水牛(??)o係度食
草,周圍都係牛屎,又有個好靚好大o既湖(印象中應該有的,定係o係新疆
呢?forgotten...),仲有o固度遠離煩囂,好似一個世外桃源,可以令你o既
煩惱一掃而空,第二係o固度民風好似都幾純樸(睇套戲係咁,同埋感覺上係
咁...),第三係o固度宗教氣氛濃厚,o固度o既聖城拉薩,係喇嘛教o既重要
中心,直程媲美天主教/基督教o既聖城麥加,可以話係一個充滿文化、藝術同
宗教o既地方,又點可以唔去?
最後一個原因,其實我覺得都算係一個幾重要o既原因,就係我想去o固邊睇下
藏醫o既理論究竟係咩一回事。我有時覺得,如果俾我接觸哂藏醫、蒙醫、疆
醫等等,跟住可以用d方法將佢地結合埋一齊,將會係一件幾偉大o既時呢(話
哂都同出於中國,應該比中西醫結合易d掛,而且又冇人諗過,俾我做到就真
係一件偉大事業呀...又一個荒唐中醫夢...)

不過講就容易,去西藏,咁遠,一定要裝備好自己先,起碼都要學好普通話先
啦,唔係去到雞同鴨講。仲有就係$$,冇銀就冇得諗...

我可愛o既西藏,你等我呀...




Ad: