nick

偉樑之日記
2004-08-28 08:31:14 (UTC)

歡送柏軒之夜

er...講番琴晚d野先...
琴晚我地約左10:30係綠楊"佐單勞"等...
有我啦..賣魚啦..雷達啦..子偉啦..磚啦..鯊魚啦^^..家豪啦..
柏軒同埋柏軒個堂哥啦...
出左泥冇野做woo....點算呢..就去左金星打陣機先啦..
而我就同賣魚去左大河道M記食野啦..
跟住我地再係金星會合..
大家都係度諗緊去邊度好...
開初話去燒野食O既...到最後都係去華潤買野食,野飲去碼頭度坐啦..
去到果度一路食..一路飲...一邊笑鯊魚..成班癲晒啦...
跟住又玩猜..輸左果個5秒內飲晒一杯野飲...
哈...賣魚同雷達都飲左好多...我都飲左幾杯架..
跟住賣魚話要去肚痛..要去放大..
我地就跟埋一齊去啦......
賣魚衝左入第二格度...
但係過多陣...子偉就發現左樣野啦...
點解第3格入面冇人(睇唔到有腳),但係入面又LOCK住左呢..?
跟住我地幾條友又用偉樑大法,一字排開投降咁走番出去啦..
哈...真係笑死...
跟住出番去...大家就講緊一個好緊張O既話題啦...
雷達就提議去海濱墳場啦(華人永遠墳場)
我地係7-11度等左陣...
因為要分隊MA...有D人去有D人唔去..
咁最後就係我啦..雷達啦..賣魚啦..磚啦...子偉去啦....
但係呢...去到墳場之前要入一條隧道WOO..
咁我地繼續行啦..
但係行行下...望下上面..點解我地行前一步..
上面支燈就熄左呢...仲係行一步熄一支..
跟住賣魚當機立斷話要番去啦..
但係我地番去果時...睇睇下...原泥果幾支燈係壞架..
車.....咁我地就繼續行番入去啦..
(但係我諗緊..果度係咪有隻野係度徘徊呢...?)
唔理啦..我地行行下..雷達就話上呢條路轉上去就到啦...
但係條路真係好恐怖...
大家都決定番番去啦....
番到去之後同埋其他人會合..我地就搵地方坐啦...
搵左幾個地方..到最後都係番去碼頭...
哈...去到之後原泥雷達部電話可以玩跳舞機WOO..
子偉就狂玩啦...哈..佢仲玩到S TIM...
跟住我地就玩自拍....拍完之後6點到啦...
大家就散水回家啦




Ad: