jeff

尤加利日記
2004-06-17 17:50:20 (UTC)

理想

呢幾日都冇寫日記,亦都冇時間去睇人地d日記,諗住一定面目全非,得自己
咁頹啦。估唔到過左幾日,身邊既人都冇咩update過diary,真係十年如一
日,真係...失望,哈(嘉怡同cling除外啦,我有見你地update)
呢幾日我都忙左去見工。份工係sunny介紹俾我既,去間叫變靚d既美容纖體
公司做marketing.即係咁,間野真係有好多中大既同學入去做,我都放心,
不過呢,雖然間公司可以連肥媽都減到,亦見到唔少客仔好似幾開心,但係我
心裡面最深處都係覺得份工有少少呃人落疊咁,真係唔知到時過唔過到自己o
固關囉。
仲有,做呢份job之前要先做左佢客仔先,即係要俾住幾千蚊(爭扎好耐,轍
夜難眠呀)。雖則我見到佢地個個都身光頸靚,但係我擔心既係唔知自己做唔
做到咁既成績,希望唔會本都蝕埋啦,期望跟住sunny會有好成績。
目標:1.攞實戰經驗,練大個膽同個口
2.搵到錢唔駛駛阿媽錢,俾佢睇我真係獨立,俾我多d自由,最好自己
俾埋學費,完全財政獨立
除左搵銀,我都好想去教會見識下,聽過話可以搵到d精神上既滿足架喎,呢
排真係覺得空虛,遲d做份工可能成日對人有所隱暪,於心不安,去睇下ivy
或者晶雞o固度會唔會識多d fd可以傾下偈啦(我諗好過識間公司o固
d "fd"掛)




Ad: