jeff

尤加利日記
2004-03-12 01:37:26 (UTC)

超耐冇寫日記

我必須承認,我真係超冇寫過日記喇。如果唔係德宜提下我個日記淨係寫到二
月,三月掂都未掂過,我都唔發覺自己差唔多成半個月冇寫過日記...頹
冇寫日記既原因,我永遠都係o固句"好忙呀,真係忙到去廁所都唔敢疴得耐
(不雅,心智未成熟勿看)!!!"不過晶雞又講得好啱,乜鬼野忙丫你,日日都
見你online,日日都打機,又咁遲先開始溫書,應該好多得閒先係...
老實講,我真係覺得自己上左大學懶左好多好多。舊時真係個個禮拜六日都有
溫書,平時放學又準備d weekly test,真係無時無刻都對住本書。上到大
學,六日要補習,又多左打機,又冇左weekly test,又成日黐埋班懶人(心
照啦)度,搞到自己都頹哂,冇哂意慾溫書。
前日派份中診卷,見到班男仔全部都高分過我(50分攞39.5都墊底)尤其係
sunny,居然高我0.5分(死符碌精!!!),見到既時候真係涼左一截,我居然
墊sunny底,呢個係唔可以接受既事實...
查實我自問今次中診我都有溫書丫,不過應該都係溫得唔夠,所以我痛定思
痛,將我份低過sunny既中診卷貼o係書檯當眼位置,並且大大隻字寫住"可
惡!!!低分過sunny"(sorry ar下sunny,我唔係睇小你,只係當你係假想敵
啫,我要提醒自己,你低分過sunny喇,再頹就俾人quit架喇,希望多多少少
有d幫助啦...
仲有份biochem,我自問又係溫左幾耐,但係結果會唔會又係咁失望呢?
雖然話成績唔代表你識得幾多,但係o係香港又只有成績好人地先至會覺得你
有料喎(矛盾!!!),所以冇考好d,攞到個mean,日後出黎都幾危...
煩...




Ad: