yiuling

spiritual life
2004-02-01 15:59:35 (UTC)

星期日 陰

今日係教會的一年一度戶外崇拜
本來都想去呀~自己都為到可以有得去而祈禱呀~
但最終都係冇報到名,冇去嚕~但係今日都為左呢個自己的決定而好唔平安呀
~覺得好似唔信靠神咁.為此很內疚呀

2月1,同時係珊珊同工的差遣禮,佢將會係2月去到日本(有稱宣教士的墓場)傳
福音呀~真係好需要為佢祈禱呀~好多事要去適應(文化,語言,身體),佢的家人
都未信主,日本人的心...
今日係聚會裡面,大家都好迫切咁為珊珊同工祈禱,好感謝呀~但願我地真能夠
不斷地為她守望,多方禱告~~彼此配搭!

今日亦都有親戚拜年,其實都有點變成例行公事, 最近2年佢每次的到訪都有
意叫我去幫手, 但我每次都敷敷衍衍了事, 都算有少少逃避。
唔係唔想搵工做工,係我不甘於只係為生活而去過的一生,我希望用我的一生去
服事神。
每當我立志委身係神的裡面,魔鬼都攻擊我,讓我覺得自己很不足,很缺乏。但
我感謝神,每一次跌倒,每一次的軟弱, 讓我體會更多神的愛,衪接受我的唔完
全, 祂引領我到青草地,安歇在溪水旁, 使我重新得力...

信耶穌基督真係好寶貴呀~
你願意經歷衪的愛嗎?


Ad:1
Try a free new dating site? Short sugar dating