lavinlee

婷の魂遊記
Ad 0:
Ezoic
2004-01-12 08:16:27 (UTC)

又一天~

d野都搬得7788喇,係去到新屋既門口,我企左係度周圍望喎,突然見到對面馬
路好似有個人望住我咁,跟住又好似同我講野咁喎,因為我又無帶眼鏡啦,所以
我係睇唔到係咩人黎啦,(當時唔知點解我連架車都唔認得喎)我就一路呆呆地
咁企左係度望住對面馬路似同我講野又似唔係同我講野既人,我再望耐d啦,終
於都比我諗到佢究竟係邊個喇,哈哈~~~原來係阿哥呀!真係陰功,我覺得自己
都係幾失敗下架波,竟然連自己個阿哥都認唔到,最慘既就係認唔到佢個人之
餘,連佢架車我都認唔到果下至弊呢,搞到我都有d慚愧添-.-"但又有d搞笑架
波,當時見到阿哥既出現,我真係有d驚訝,奇怪點解佢會知我個新地址啦,(我
都無講佢知個地址又會識黎既?)原來佢係認得Branda架車既...所以就跟住
黎,嘩哈哈~~~做得我阿哥果然係醒d架喎^.^阿哥話call左我4次喎,但我真係
一個call都無收到呀嘛,sor呀!呵~~~阿哥真係犀利,差唔多搬完至黎到,不過
都算佢啦,見佢咁有誠意(阿媽話既)返完工都趕過黎幫手,都已經係好好架喇!
不過我都仲未執野呀,又要抹野呢...所以呢幾日都係會忙於清潔下間room架
喇!就當係新年大掃除啦!

個枕頭我諗我聽日都大慨會收到喇掛,都寄左三日啦,聽日一定要留守係屋企迎
接佢既來臨呀!新年都就黎到喇,但到而家都仲係陸續收到聖誕咭架囉,"遲到
真係好過無到"(呢個係我既人生坐佑銘)架~個頭好唔掂呀,好想剪頭髮呀,我
要負離子啊!(返香港先)我以前曾經鍾意過一個男仔,直到而家偶爾我都會諗
起佢,但我知道佢而家好幸福,我都好替佢開心,係真架!!!我之前一直都好記
掛住佢,而家終於都無喇!(even我黎sf之後)以前我太固執喇,我一直都覺得
佢唔係一個好人,但又唔知點解我都依然繼續會鍾意左佢咁耐喎,不過呢d都已
經過去喇,我都唔會再諗返轉頭lu,而家開心就已經ok喇!


Ad:0
PropellerAds