jeff

尤加利日記
2004-01-04 14:04:00 (UTC)

人衰行路打倒吞

我終於明白咩叫人衰打倒吞喇
原來人衰起上黎真係唔係人咁品
霉運一
一個月內生到成面暗瘡,仲要揀正上大學year1
霉運二
尋晚同個幾friend既friend傾電話,佢居然話我d暗瘡生到好似炸腮咁(頂
你,你唔話我好似雞泡魚咁!!!)
霉運三
今朝同人補習,走o固時搭火車。上到火車我梗係好自然咁揸實條柱,費事仆
親。但係唔知係咪鬼捂眼,當我拎開隻手諗住落車既時候,居然一野拍跌左前
面坐住個阿叔揸住既o固份報紙(@@"""...死寂...)我當然第一時間同佢講左
十聲sorry同拿拿聲執番起份報紙啦。點知佢好似覺得我d sorry講得太快聽
唔到咁,面色凝重咁啤住我。我地就咁凝視左對方一秒鐘(好難頂呀!!!),佢
既表情都冇變過(唔通佢研究緊我d暗瘡???)。結果...結果我o係佢問候我屋
企人之前雞咁腳走左...無奈...
霉運四
呢個最谷氣,啱啱我打篇日記打到最後o固段,諗住終於發洩完喇,可以
submit佢既時候,又俾鬼拍後尾
枕,無端端按左野esc掣,結果...冚扮爛化為烏有...結果唯有死死地氣打多
次...SHIT!!!!!!!!!!
霉運五
真係平時都唔見我咁霉,一霉起黎就全部谷哂黎。我feel到個好朋友呢個時
候好似有少少誤會我咁...死啦,會唔會又冇左個可以傾心事既朋友...呢個
時候最需要人撐架嘛...同人做friend原來都有學問...唉,有機會真係要搵
佢解釋下...

一係就唔衰,一衰原來可以衰成咁。我呢世仔都冇做過d乜作奸犯科既野丫,
係有時講少少粗口(助語詞黎啫,冇咩特別意思架,可以參考上文"頂你"一
詞),講少少大話(你敢話你冇講過),講少少鹹濕野(你係咪男人,你係既話
就一定講過,更何有時女人都會講啦),睇過一兩次鹹片(學習下啫,唔知係咪
太少,d荷爾蒙太多,谷到成面瘡???),劏過一次老鼠一次草蜢(你地唔好搵
我呀,係叮噹梁逼我咁做架,唔係佢就肥我架喇...仲有你地都係俾佢焗死
架,你要搵就搵佢啦T.T),有時唔係幾孝順(阿媽對唔住呀,我唔敢喇!!!)
唔通我就係做左呢d野,要受天遣,所以衰神就要lor住我唔放...




Ad: