lavinlee

婷の魂遊記
Ad 0:
Ezoic
2004-01-02 10:32:11 (UTC)

好貴ar!Help~

阿銳妹今日終於都有假放喇,可以去幫我買野啦,佢幫我去左Muji買左文具,
好貴呀,買左$303野,有d嚇親添...好在都比阿銳妹搵到一間便既VCD餔,唯有
要係vcd度慳返d啦,唉呀~~~真係唔知點多謝阿銳妹至好喇,放假都幫我去買野
又周圍幫我格價,幫我慳錢,好感動呀...我下次返黎真係要好好報答佢lo!我
自己都諗緊邊樣係唔急既就唔買住喇,但我既Hidamari...我仲諗緊要5隻
好?定係4隻好呢?好煩呀,世上果然冇野係兩全其美!岩岩又再打多次比阿銳
妹,佢話左個好好消息比我知,就係佢去左英皇幫我買左Twins既寫真集,佢講
得岩,真係開心死我呀,哈哈...本寫真集入面仲包埋月曆、電話簿...抵買啦!
只要比d耐性等到去月尾就有得睇架喇。原來阿銳妹竟然唔知阿Sa係咩樣架?
但都總算佢買岩左係阿Sa做封面果本姐;如果佢買錯左係阿Gil果本,咁我會即
刻...~尋晚都冇訓過覺,今朝9點先至訓,成晚都係聽"叱吒",無計啦,我又冇
得係睇香港既電視,只可以上網聽,(勁窒架係)嘩~~~梁漢文真係好勁囉,攞左
4個獎,估唔到囉係!Twins得兩個獎咋~.~"尋晚真正咁聽Joey唱Live,真係
唱得唔錯波,佢把聲底真係幾好,Candy唱Live就差d喇,平時好少可以聽到佢
地唱Live架,尋晚終於都聽到lu,聽到今朝8點幾至完左個頒獎禮,聽完之後,
我又聽左一陣"啤梨"至去訓,都唔好聽既!

阿爸話隻眼有事,今朝去左中環睇專科,醫生話佢既視網膜脫落,需要做手術,
唉~~~想喊!佢真係好辛勞呀,每日都返成10幾個鐘頭工...返到屋企又冇人煮
飯,好慘!我有個感覺(第六感),係04年入面,屋企同自己都會有好多唔好既
事發生,我諗我真係...係時候要認真好好讀書~今年20架喇,真係唔能夠再好
似以前咁心散,我會盡力令自己專心d架喇~


Ad:0
PropellerAds