lavinlee

婷の魂遊記
2003-12-31 08:00:19 (UTC)

魔戒3~

今日去左睇《The Lord of the Rings:Return of the King》,總共睇
左3個小時15分鐘,d英文聽唔到呀,睇完都唔明,又無字幕喎,有埋英文字幕
都叫做會好d丫,我完全係就咁睇佢地既製作架咋,最衰阿哥又要返工去唔到
啦,無人翻譯返成個故事既內容比我知添...今日都去過J-town睇過,我最深
愛既Hidamari竟然好不幸咁...賣晒呀,個Sales仲話唔會返貨添呀,陰功!
(聽到個咁既壞消息,我好傷心...)一隻咁可愛既野,間shop點可以唔返貨架,
間野都唔知有冇搞錯?!~~~之後係J-town買左cake食,好味道!如果可以再加
埋多一杯starbucks咖啡呢,咁就真係無得頂啦!(簡直就係人間享受呀,哈哈
~~~不過一個月只能夠享受一次)睇完戲之後,我就去左GAP買頸巾,條頸巾係彩
色橫間架,我之所以choose呢款,全因為條頸巾會易match衫囉!(但只係
match返我女仔d既衫架咋)原本我係想去第二度買埋隻Hidamari架(不是日本
製的),不過又因為太夜lu,所以最終又係冇買到lo!其實我真係唔應該買果隻
中國製,只要等到去1月尾,咁我就可以擁有日本製既Hidamari,我要迫自己忍
到去Branda返黎呀...我要等呀等呀等呀!!!頭先沖完涼,打左比阿銳妹,佢終
於都攞左d錢喇(好野好野~),可以正式幫我去掃貨買野喇,記得呀,最緊要幫我
買既野就係""4隻日本版Hidamari""呀!

阿哥今日係電話度,問我鍾唔鍾意佢份聖誕禮物喎,Um...真係唔識得答佢呢條
咁"深奧"既問題,我都唔知點答佢至好,講真又唔係,講假我又唔想...最後唯
有..."遊花園"!!!今日臨出門口時,收到鄧XX張聖誕咭&信,Thx呀!收信時間
岩岩好,我可以帶埋上車慢慢睇,咁我係搭車既時候就冇咁悶勒,我諗我今次要
遲少少至回信比你呀,sor呀!(仲有呀,唔好成日問我攞禮物,哈~又唔見你送禮
物比我?!!超~)

仲有兩日,踏入04年...要同03講拜拜~~~




Ad: