lavinlee

婷の魂遊記
2003-12-29 07:15:14 (UTC)

失望ing~

點解d"失望"會係咁接二連三發生架呢?唉...尋晚終於都見到我新加坡既表妹
~阿冬online喇,我問佢點解我咁耐都仲未收到佢送比我隻Hidamari架呢,佢
話寄既時候broken左,郵局d人return返d錢比佢,好黑仔兼且我係勁失望架
囉,阿冬話再買過比我,下個月初寄,今次會係寄既時候小心d,我都唔明點解會
爛架?唉~~~算啦,我又要再等過喇!不過我真係想佢快d寄呀,因為第日一轉左
去個新地址就要同其他人分信,我怕會唔安全嘛,所以我想係個舊地址度收埋份
野先啊!咁就唔使擔心比人攞左去啦!我自己咁鍾意隻Hidamari,但係都目前
為止我自己都仲係未擁有過一隻,我自己雖然之前都買過兩隻,但係兩隻都係買
黎送比人-.-",我好想擁有一隻係真正屬於自己架!原來越係心急真係會越慢
架,嘿嘿~~表妹教我join左個Friendster,又幾得意喎,好似紀念冊咁架!不
過最唔好既一樣野就係,無得打中文上去,一定只可以打"雞腸",真係考起我
喇!(小妹既英文程度一向係幾咁....!!!大家都明架喇!)

仲有成兩個禮拜至開學,而家日日都悶到嘔呀x__x,唔知幾時至可以捱到去15
號呢?點解美國既學校假期會放咁長架?悶死人咩!如果係香港可以放咁耐,咁
我又唔mind呀,HeeHee:p~~~係香港我有大把地方可以去,例如:可以去我最
鍾意行既旺角**聯合**、*旺中*、新天地、潮流,落銅鑼灣世貿打機、同朋友
影貼紙相,又可以好平咁入沙田踩足一日單車,又可以去"元綠"食壽司喎,仲可
以去Neway唱K...係香港實在係太幸福喇!~^3^~但呢度就真係...來來去去
都係得咁小地方行,去得多都會悶啦,又無乜節目喎!最慘既就係,搞到成個人
都好似Out-dated晒咁,第日返到香港,我實會變到成個"古董"咁,到時人地講
乜東東我都唔知,哈哈哈~~~(15號呀,15號...快d到15號啦!等我唔使咁得閒
丫嘛!)

今晚個MSN同ICQ唔知做乜樹呢,人人都away晒既?犀利呀!!!呀,突然醒起有樣
野可以做喇,就係回信比"肥嚴",差d都忘記左件事添^s^,順便可以寫埋個新地
址比佢!係呢個咁得閒既時候,最好就係寫信去消磨時間,只需要消費$0.8美金
既費用,就可以叫做"有d野做下",不過...都係好無聊架喇!真係羨慕果d有得
返香港過X'mas既人呀,但我唔恨得咁多lo~(全因錢既問題yo!)


Ad:0
Try a free new dating site? Short sugar dating