jeff

尤加利日記
2003-12-27 13:41:54 (UTC)

換眼鏡

今日又係一日冇乜特別既日子
唯一可以既寫既係我今日換左o固副戴左n年既鵝蛋型眼鏡,買左副方型半無框
眼鏡(係咪好難明,我都唔明自己寫乜)。不過換既時候認真搞笑,間眼鏡鋪話
如果攞副舊鏡,唔理你副鏡係細路哥既玩具太陽眼鏡,街邊十蚊副阿伯既老花
鏡,定係爛到fingfing下,冇得再爛既鏡,只要攞俾佢買副新鏡,就即時可
以當一舊水coupon用喎,真係聽到我眼突@.@。結果我就係為左呢寶貴既一舊
水(真係好寶貴架,我補個半鐘習先得百二,有人仲少過我添呀),就特登走左
去兩個字路程既街市度,搜括一副"合適"既"眼鏡"交差,搜括左兩個鐘有
多,結果...得個吉...唯有死死地氣番去,俾多一舊水佢賺,真係激鬼死
我!!!!!!!!!!!!!!!!!!!
不過講開換,我覺得上左我大學既我真係"試圖"換左好多
放棄跟左我n年既髮型,換左個短髮
放棄跟左我n年既頹廢校園生活,參加左勁多既大學活動
放棄跟左我n年既男校生活,積極同異性同學打開話題
放棄跟左我n年既開電腦習慣,依家一開機就開icq,仲傾到鬼死咁夜
放棄跟左我n年既自我中心生活,join左好多同自己中醫同學既群體活動

換左咁多,目的其實只有一個,就係換曬舊時d衰野...
咩衰野?
樣衰算唔算衰丫
摺算唔算衰丫
正經到死,一d都唔風趣,算唔算衰丫
怕羞到死,見到女仔就好似白痴咁,算唔算衰丫
單純到死,乜都信哂人,又心軟,算唔算衰丫
靜到死,成大班人傾偈永遠冇聲出,成日覺得好孤獨咁,算唔算衰丫

好喇,換哂d衰野,想要d乜呢
型仔d啦
放d啦
風趣d啦
大膽d,talkative d啦
成熟d啦
同人傾多d,唔好離群啦
多d真心朋友啦

咁改左,又得到左d咩
型仔d啦--唔覺
放d啦--少啦
風趣d啦--毀譽參半
大膽d,talkative d啦--唔係好成功
成熟d啦--完全唔得
同人傾多d,唔好離群啦--ok啦,間唔中都有lonely既感覺
多d真心朋友啦--都搵到一兩個既

究竟我真係得到左幾多,我真係唔肯定,但有樣野上到大學之後我肯定得到左
既...滿面青春...




Ad: