lavinlee

婷の魂遊記
Ad 0:
2003-12-26 07:31:00 (UTC)

A Christmas Day~

今日係美國時間既25號(即係香港時間既26號lu),係一個普天同慶
既聖誕節,一朝早我都係上網..上網..下晝就同左阿哥、仲有佢表哥一齊
食野,食野之前就叫阿哥車左我去19街去Teresina屋企打算親手送
份禮物比佢啦,點知去到佢屋企,佢走左去洗白白,我本來係諗住等佢沖埋先
既,點知等左15分鐘佢都仲未沖完,我又費事要阿哥等咁耐啦,咁咪唯有將
份聖誕禮物放左係枱面就閃人lo!食完野之後,遊左一陣"車河"就返屋企
啦,阿哥拆左我送比佢份禮物,佢真係醒,未拆佢已經知係一個書包黎(=.="勁
無奈!)好在我加多左隻(又係日版既,但係我已經唔記得左果隻叫咩名)大頭狗
既公仔係個書包出面,至可以令個書包會顯得special少少!(顯然我係有d小
聰明既,哈~)而另外一份就係一隻2003X'mas日本版既Hidamari,隻
Hidamari係我叫朋友係香港寄過黎比我架,講真ai,我真係真係好唔捨得隻公
仔架,我真係very鍾意Hidamari架囉,家下我係忍痛割愛咁將自己心愛既野送
比人,我覺得自己都幾偉大下囉,哈哈哈!~~~我好希望我阿哥會好好地咁照顧
我送比佢隻Hidamari啦,得閒就幫佢抹下身,唔好整污"joe"佢,仲有就係千祈
唔好咁大力整佢個頭呀!(甩左個頭我實會"torn"左阿哥架!)我另外都叫人幫
我買多4隻(第一&第二代)Hidamari帶過黎比我,不過我諗最快都要去到1
月中至可以攞到手lu,唯有等下啦,至於表妹寄黎送比我做聖誕禮物既果隻
Hidamari呢,今日都已經係25號啦,表妹佢話10號就寄左比我,但係我到
而家都仲未收到,都寄左成兩個禮拜架啦,我等到頸都長埋,都唔知仲要等多幾
多日至寄到黎,唉...就連普通一封信都要兩個禮拜我至收到,咁唔知寄一隻公
仔過黎又係咪需要一個月既時間呢?d郵局咁做野法,竟然可以慢成咁,我真係
有d想死!
我自己都覺得呢個聖誕過得好無聊呀!點解可以咁無聊架?係比平時仲更加
無聊果下至死,唉~~~美國~~~三藩市~~~聖誕節都冇影到相添,不過都冇咩好
影架喇!其實我今日係好想去J-Town食cake架,食過一次之後,真係會令我回
味無窮架,我時不時都想走去買黎食,可惜因為平時都唔多順路會去果度,而且
個價錢又貴呢,所以...都係得個"想"字!

今日既總結:~失望日~


Ad:0
Digital Ocean
Providing developers and businesses with a reliable, easy-to-use cloud computing platform of virtual servers (Droplets), object storage ( Spaces), and more.