Kathy

吉肥
2003-05-09 18:05:59 (UTC)

AGM

今日好勤力返左RP呀...

之後本來係約左我地既mentor食lunch,點知我地"好好人"同"好相處"既
Dr.Cheung竟然話唔記得左...好廢...搞到我無左餐茶居lunch...遲d又要
約過喎...

開完莊會之後比阿恆呃左去整board...雖然打亂左我個plan(本來要去溫
書),不過整出黎0個board好靚呀,d_yr2/3行過都讚好靚好sharp呀...原來
用橙色 灰色都幾正架喎...仲有好彩我堅持要整靚d字咋...呵呵...

跟住6點幾急急忙忙食左個tea之後就去開AGM啦,初頭好驚,因為有好多人黎
左,我好怕又好似大插咁咁騰雞會出醜...驚到之前要捉住Pauline隻手呀...
但最後好驚奇,我竟然出到去講野一d都唔驚,佢地問咁多問題我都答到呀...
阿濤今次都讚我表現好呀...真係感謝主...
仲有我發覺Marian同Nana真係好勁,成個會d人講野講得咁快佢地都不停咁
take到minutes囉...

最後奇蹟地成個會9點幾就完左啦...
我地出左旺角食飯...過左一個好開心既晚上...

話咁快依一年就過左啦...下個禮拜就exam啦...有d驚,因為真係無咩點讀過
書,但d內容又好多喎...不過我又無後悔過,因為我發覺自己依個sem真係學到
好多比讀書更重要既野...eg.講野啦,自信心啦,同人溝通啦,諗野同埋應
變...起碼有進步!!

仲有好開心班裡面有好多人都肯做Ocamp既helpers,今晚問過師兄阿泉,佢話
yr5都有好多人想黎呀...真係好好呀你地...(不過宜家我又擔心多人得滯添...)

好,聽日開始要好好地讀書...

上個禮拜既今日我地去左睇Beyond...唔知點解仲好留戀個段時間呀...因為
真係太正啦...

今日好多人都讚條鏈靚呀...




Ad: