Kathy

吉肥
2003-01-30 01:56:14 (UTC)

尋日係媽咪生日呀

尋日原來係媽咪生日呀...因為係計農曆,所以我同家姐都唔記得左,直到我補
完習返黎先諗起...唉,其實我一早應該醒水架啦,因為晏晝0個陣媽咪整左隻
雞蛋比我look隻手,之後仲多左幾隻問我食唔食添(我仲話好飽唔食lu!)0個陣
我就應該要記起啦嘛...真係死蠢...為左補償返,我就決定唔去燃青社開會,
出去搵媽咪食飯啦。雖然只係簡單一餐飯,希望媽咪唔會唔開心啦!不過佢
話"傻既,我都特登唔講啦"咁喎...

食完飯之後我就出左去嘉年華,今次係我第三次去啦!haha!不過今次多左好多
人去呀,除左我,Ceci同Ricky外,仲有阿濤,Charmaine,Ra,Carol同阿樹。
我地今晚除左映左好多相外,佢地仲玩Batman同噴水個game,而我就無玩呀,
反而做左打雜同映相assistance...不過淨係睇佢地玩都好鬼開心啦。本
來我地諗住會去掟公仔架,但玩完games_d野已經收曬,只有阿濤拎左隻龜龜公
仔law。

走既時候阿樹同Ricky帶我去撘車。真係無鬼用呀,行第四次啦,都仲係唔識,
抵比人話我蠢架...下次唔可以再係咁架啦,我會記得點行(Neway轉右,轉右,
之後直行,直行再直行,最後再轉左呀嘛!!)




Ad: