mamahk

¤é°O
2002-10-23 12:31:20 (UTC)

處男下海...今天終於再游水

10月23日,好大乳啊,心情: 爽
黎到澳洲第一次游水...

你知道嗎? 游泳池可以話係一個社會既縮影, 設施齊備, 有按摩池,
桑拿, 25米暖水池, 人造浪既暖水池(勁啊, D浪最高過左我個頭),
室外有一個標準50米池, 但由於天氣關係, 多數人都係室內游...至
於我話係社會縮影既關係, 因為入場人數唔太多(香港多到傻, 然而
Melbourne 人口300萬, 香港800萬), 而D女仔既質數亦都反映社會質
數...一句講晒, 專心游水吧!!!

我今日就同左我個Roommate同同窗生Robert去游水, 諗住點都應該有
D似樣D既女仔睇下, 期望落空, 發覺D有一個樣好小小果D居然走出去
室外游(得十幾度only出面), 我就同個Roommate就話出去游(其實
Robert同Roommate都係旱鴨子), 點知一打空度門, 一股寒氣令我
Roommate退縮了, 而我則高吼了一句:"不入虎穴, 焉得虎子!!"後就
衝了出去...到游池邊之前段路不斷大叫大跳(因為寒冷關係)...到我
到了池邊, 發覺我應該受了魔鬼的誘惑才走出來, 的確...很魔鬼...
魔鬼得很...但我絕對討厭魔鬼...因為魔鬼派了一群耆英來招待我
(看樣子是一群游慣了冬泳的傢伙.)...我即是有後悔感覺, 但我又唔
太想返入去, 唔游下入好似怕涷咁, 好魚架嘛, 硬著頭皮下了水,
咦...D水唔係想像中咁涷, 而係......超X涷(X跟"很"的讀音相似),
有無試過水裏起雞皮?...所以拚命狂游了百五...游到無力入翻去,
真係狂奔入去...之後又走了去焗桑拿...第一次焗, 感覺係...做乜D
人咁鐘意入面受苦, 究竟為乜係入面被生煎? 我總共入了去三次, 第
一次, 初次入去, 體驗下到底有乜特別...坐了一陣太悶走了, 第二
次, 再次體驗, 但發覺好辛苦, 怒吼一句:"頂唔順!"又走了出黎, 第
三次, 游完水, 好疲倦, 再入去, 今次同個Robert 講話死都頂五分
鐘先出黎架啦...簡直渡日如年, 做乜果度話suppose 15 mins係
limit, 15分數我諗我會死掉...不過游完水, 再去按摩池爽一爽, 再
去焗桑拿, 簡直可以話完美...的確好舒服....我想今晚應該可以訓
覺好既




Ad: