brendalyy

²Â¤j¤é°O
2002-05-14 09:18:28 (UTC)

Rita被輪?

四月二十三日

話說有一日, 正當SaLaBrenda、鴨仔、Rita & 瑪莉排緊隊練CPR, 鴨
仔正好努力吹緊個meter 5既時侯, B仔突然出現, 來勢洶洶, 好似想
打Rita尖咁, ta姐見形勢不對, 恐防吹佢口水尾又會攪到成口敏感,
於是就開口同阿B仔講:「喂, 我排緊隊嫁, 我o係鴨仔之後嫁!」咁阿
ta姐出到聲, B仔就當然aware到自己係唔可以打尖啦, 於是B仔一本
正經, 亦同時好大聲口咁講:「哦, 唔緊要, 我跟住輪你啦!」正直吹
緊manikin既鴨仔立刻拍床大笑, SaLaBrenda同身邊眾人都立刻爆
笑, 只有Rita一臉無奈, 哭笑不得, 咁阿B哥呢……梗係唔知我地笑d
乜啦, 仲用一個天真到好想卑人打既笑容望住我地……唉, 點解
nursing會有d咁樣既同學仔?

咁上回講到B仔之後果個….如果用B仔既說話應該係: 上回講到輪B仔
之後果個係Mary, Mary當然唔驚, 因為佢有自備manikin face
shield, Mary練緊既時候B哥並不在場, 平日並唔多事既鴨仔突然出
現, 問左瑪莉一句:「你頭先有無留意B仔隔住d用乜黎吹呀?」正所謂
一言驚醒夢中人, 瑪莉才發覺頭先佢將自己果塊manikin face
shield放左o係張床隔離, 阿B o岩o岩練完, 莫非…… 於是瑪莉就用
9秒9既時間將B仔o係人群中搵出, 同時再嚴刑拷問, 阿B仔梗係話佢
無用到阿瑪莉張shield啦, 但係當時又無證人, 又唔知阿B仔會唔會
用左人地張shield都唔aware, 所以係無從溪考嫁!

好彩今日得果半日練lab ji, 唔係我諗仲有排笑, 阿健既出現仍然係
為左借個頭人地練lab同睇下旦旦練lab, 除此之外, 佢都唔知返黎做
乜……

佢呀, 今日無端端走過黎同我講(國語):「你是豬呀? 你真笨!」學足
道明寺既語氣, 好開心呀! (卑人串仲開心,真賤!)




Ad: